Бүгүн түнкү саат 11ден кийин Ош шаарынын айрым аймактарында таза суу берилбейт. Бул тууралуу «Ош шаар суу канал» муниципалдык ишканасынан билдиришти.
«Ош шаар суу канал» муниципалдык ишканасынын таза суу, саркынды суу тармактарында жана бекеттеринде күзгү профилактикалык оңдоо иштери жүрөт.
Буга байланыштуу шаардын Курманжан датка (Юго-Восток), Манас-Ата (ХБК), Туран, Достук кичи райондорунан жана Калинин массивинен башка аймактарында таза суу берүү убактылуу токтотулат.
