Ош облусунда жол кырсыгынан 13 адам жабыркады. Бул тууралуу ӨКМ кабарлады.
Маалыматка ылайык, 15-август күнү Өзгөн районуна караштуу Өзгөн шаарында эки “Мерседес-Бенц” үлгүсүндөгү унаалары жана “Дэу-Лабо” үлгүсүндөгү унаалардын ортосунда жол кырсыгы катталган.
Кырсыктын кесепетинен жалпы 13 адам ар кандай түрдө жаракат алышкан. Тактап айтканда 8 жаран учурда оор абалда жана 5 жаран жеңил жаракат алышкан. Жерине тартылган куткаруучулар жаракат алган жарандарды унаадан чыгарып, тез жардам кызматкерлерине өткөрүп беришкен.