Ош облусунун Кара-Суу районунда каналдан 16 жаштагы кыздын жансыз денеси табылды. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка карганда, 16-сентябрь күнү саат 16:20да Ош облусунун Кара-Суу районунда Нариман айылында каналда 16 жаштагы кыздын сөөгү табылган.
Жерине КР ӨКМнин №102 өрткө каршы куткаруу бөлүгүнүн куткаруучулары тартылып, маркумдун сөөгүн суудан чыгарып, милиция кызматкерлерине өткөрүп беришкен.