Ошто жашы жете элек кызды бир нече жолу зордуктап, уурдоого шектүү жаран кармалды. Бул тууралуу Ош шаардык милициясынын басма сөз кызматы билдирет.
Маалыматка ылайык, Ош ШИИБнин Ак-Буура милиция бөлүмүнүн кызматкерлери 18-майдан 19-майга караган түнү Кызыл-Кыя шаарынан күч менен 2003-жылы туулган кызды Ош шаарына алып келип, машинасында кармап отурган 1992-жылы туулган Т.Д. аттуу жаранды кармашкан.
Алгачкы тергөө иштери көрсөткөндөй, шектүү 2003-жылы туулган кыз менен кыз-жигит болуп жүрүп, кызды 2019-жылы эле бир нече ирет зордуктаган. Жабырлануучу кыз андан соӊ анын эркине каршы, “сени зордуктаган учурду видеого тартып алгамын” деп коркутуп, бир нече жолу зордуктап жүргөндүгүн айтып көрсөтмө берген. Ал убакта жабырлануучу кыз болгону 16 жашта болгон.
“18-май күнү шектүү 1992-жылы туулган Т.Д. Кызыл-Кыя шаарынан жабырлануучу кызды коркутуп, кыздын эркине каршы өз унаасына салып, түнү Ош шаарына келген. . Негизинен шектүү кызды кызганып, «башка жигит менен жүрөт экенсиӊ, мен сени бербейм эч кимге» деп жолдо аны коркутуп, урган. Телефонун талкалап салган. 19-май күнү эрте менен саат 09.00 чамасында Ош шаардык ички иштер башкармалыгынын Ак-Буура милиция бөлүмүнүн кызматкерлери шектүүнүн жүргөн жерин аныкташып, унаада отурган жеринен кармашкан”, — деп айтылат маалыматта.
Учурда КР Жазык кодексинин 170-беренеси (Адам уурдоо) менен сотко чейинки өндүрүш иши ачылып, шектүү убактылуу кармоочу жайга киргизилген.
Бүгүн Ош шаардык соту шектүүнүн баш коргоо чарасын карайт.
Ошто Улуу Ата Мекендик согуштун ардактуу ардагери Салахидин Токтобаев 99 жашында дүйнөдөн кайтты. Маркум бүгүн, …
1-майда Бишкек шаарынын Свердлов районунун ички иштер башкармалыгында «Притон-Бабочка» аталышындагы профилактикалык иш-чаралардын жүрүшүндө милиция кызматкерлери …
Адам өлтүрүүгө шектүү катары издөөдө жүргөн жаран Ош аэропортунан кармалды. Бул тууралуу Ош шаардык ички …
Бишкекте белгисиз киши дүкөндүн сатуучусуна кол салып, аёосуз сабап салган. Окуянын видеосу социалдык тармактарда тарады. …
Жалал-Абад шаарында чет элдик жарандан акча талап кылган кылмыш чөйрөсүнүн өкүлү кармалды. Бул тууралуу УКМКнын …
Бишкекте милиция кызматкерлери тарабынан бейбаштыкка шектүү жаран кармалды. Бул тууралуу Октябрь райондук милициясынан билдиришти. Маалыматка …
