Бишкек.21.06.2019.Govori.TV.
Кечээ, 20-июнда Ош шаарынын 32 жаштагы тургуну көп кабаттуу үйдүн 4-кабатынан секирип кетип жаракат алды. Бул тууралуу ӨКМден билдиришти.
Маалыматка караганда, кырсык саат 23:20 чамасында Курманжан датка көчөсүндө болгон. Шаардын 1987-жылы туулган тургуну А.А. 4-кабаттан секирип, 1-кабатта жайгашкан оорукананын чатырына кулап түшүп, бутун кокустатып алган. ӨКМдин куткаруучулары жерине барып, аны чатырдан алып түшүп, тез жардам кызматына өткөрүп беришкен. Учурда абалы канааттандырарлык.
