Аламүдүн районунда пара талап кылганга шектелип сот кармалды. Бул тууралуу Ички иштер министрлиги тараткан маалыматта айтылат.
ИИМдин Тергөө кызматына С.А. аттуу жаран арыз менен кайрылып, анда Аламүдүн райондук сотунун кызматкерлерине карата чара көрүүнү суранган. Арыздануучунун айтымында, алар андан иш боюнча оң чечим чыгаруу үчүн акча талап кылышкан.
Бул факты боюнча «Опузалап пара алуу» беренеси менен кылмыш иши козголгон.
Тергөөнүн жүрүшүндө Аламүдүн райондук сотунда С.А. аттуу жаранга карата «Тоноо» беренесинде көрсөтүлгөн кылмыш иши боюнча сот процесси учурунда соттолуучу С.А. төрагалык кылуучу сот Ж.Ш.Б.га сот процессин жылдыруу өтүнүчү менен кайрылган.
Ага Ж.Ш.Б. макул болуп, 30 миң сом өлчөмүндө акча талап кылган. Мындан тышкары, Ж.Ш.Б. ишти оң жагынан чечүү үчүн соттолуучу С.А.дан 1000 доллар талап кылган. Жогорудагы талап кылынган акча каражаты сотко жеткирип берүү үчүн жаран Б.К.га берилген.
Ыкчам-издөө иш-чараларын жүргүзүү учурунда Б.К.нын үйүнөн сот Ж.Ш.Б.га бериле турган акчалар табылган. Тергөөнүн жыйынтыгы боюнча шектүү Б.К. Бишкекте убактылуу кармоочу жайга киргизилип, «Пара талап кылууга шериктештик» беренеси боюнча кылмыш жоопкерчилигине тартылды.
Мындан тышкары, КР Соттор кеңеши сот Ж.Ш.Б.ны кылмыш жоопкерчилигине тартууга макулдук берген.
Натыйжада бүгүн Аламүдүн райондук сотунун соту 1982-жылы туулган Ж.Ш.Б. кармалып, Бишкек ШИИББдин убактылуу кармоочу жайына киргизилди. Тергөө амалдары уланууда.
2-июнда Бишкек шаардык соту Махабат Тажибек кызынын Ленин райондук сотунун чечимине карата жазган апелляциялык арызын …
Бишкекте бийликти күч менен басып алууга даярдык көрүү боюнча соттук отурум башталды, анын фигуранттарынын бири …
Ош облусунда жасалма VIN-коддор менен атайын техникаларды сатуу схемасы ачыкталды. Бул тууралуу УКМКдан билдиришти. Атайын …
Кант шаарында опузалап акча талап кылган жеке жактоочу кармалды. Бул тууралуу УКМКдан билдиришти. Маалыматка ылайык, …
Токмок шаарынын ишкерлеринен системалуу түрдө ири өлчөмдөгү акча каражаттарын опузалап талап кылуу боюнча мыйзамсыз схема …
Ишкерлерден пара талап кылган Жаратылыш ресурстары, экология жана техникалык көзөмөл министрлигинин Чүй аймактык башкармалыгынын кызматкерлери …
