Бишкек.29.04.2019.Govori.TV.
Талес Соарес аттуу модель Сан-Паулу шаарында (Бразилия) өтүп жаткан мода жумалыгы учурунда подиумда басып бара жатып жыгылып, ошол жерден көз жумду. Бул тууралуу Folha de São Paulo басылмасына шилтеме берип РИА Новости жазды.
«Алгач муну көрүүчүлөр шоунун бир бөлүгү деп ойлошкон. Бирок модель ордунан турбай, бир маалда денеси калтырап, оозунан ак көбүк чыга баштаган», — деп айтылат макалада.
Медиктер ага жардам көрсөтүп, бирок сактап кала алышкан эмес.
Модель жигит болгону 26 жашта болчу.
