Бишкек.11.09.2018.Govori.TV.
Президент Сооронбай Жээнбеков «Кыргыз Республикасынын Ички иштер министрлигинин Ички аскерлери жөнүндө» Жарлыкка кол койду. Жарлыктын негизинде Ички аскерлер Кыргыз Республикасынын Улуттук гвардиясынын курамынан чыгарылат.
Жарлыктын негизги максаты — кабыл алуу коомдук тартипти, инсандын жана коомдун коопсуздугун камсыз кылуунун мамлекеттик системасын жогорулатуу.
Кыргыз Республикасынын ички коопсуздугун камсыз кылуу системасын өркүндөтүү боюнча ишке ашырылып жаткан масштабдуу реформалоонун максаттарына жетүүнүн маанилүү шарттары — жарандардын конституциялык укуктарын жана эркиндиктерин камсыз кылуу, инсандын, коомдун жана мамлекеттин кызыкчылыктарын коргоо, ошондой эле мамлекеттик маанидеги объекттерди кайтаруу.
Тапшырылган объекттерди кайтаруу, инсандын, коомдун жана мамлекеттин кызыкчылыктарын, жарандардын конституциялык укуктарын жана эркиндиктерин коргоо боюнча кызматтык-күжүрмөн милдеттерди мурда Кыргыз Республикасынын Ички иштер министрлиги менен катар эле Кыргыз Республикасынын Ички иштер министрлигинин Ички аскерлери (мындан ары — Ички аскерлер) аткарып келген.
2014-жылы аскердик реформалоонун алкагында Ички аскерлер Кыргыз Республикасынын Куралдуу Күчтөрүнүн системасына кирген Кыргыз Республикасынын Улуттук гвардиясынын курамына киргизилген.
Ички аскерлердин Кыргыз Республикасынын Куралдуу Күчтөрүнүн Улуттук гвардиясынын курамында болуусу Кыргыз Республикасынын ички коопсуздугун камсыз кылуу боюнча кызматтык-күжүрмөн милдеттерди чечүүдө алардын потенциалын жана мүмкүнчүлүктөрүн чектейт.
Жогоруда баяндалгандардын негизинде, коомдук тартипти, инсандын жана коомдун коопсуздугун камсыз кылуунун мамлекеттик системасын өркүндөтүү максатында, Кыргыз Республикасынын Конституциясынын 64-беренесинин 8-бөлүгүн, 65-беренесин, «Кыргыз Республикасынын Коопсуздук кеңеши жөнүндө» Кыргыз Республикасынын Мыйзамынын 4-беренесинин 10-пунктун жетекчиликке алып, Жарлыкта төмөндөгүдөй токтом кылынат:
Кыргыз Республикасынын Улуттук гвардиясына мурда өткөрүлүп берилген штаттардын, документтердин, имараттардын, курулмалардын, материалдык-техникалык каражаттардын жана башка мүлктүн эсебинен Ички аскерлерди түзүү максатка ылайыктуу деп эсептелсин.
Кыргыз Республикасынын Өкмөтү белгиленген тартипте:
— «Кыргыз Республикасынын Ички иштер министрлигинин Ички аскерлери жөнүндө» Кыргыз Республикасынын Мыйзам долбоорун иштеп чыгып, Кыргыз Республикасынын Жогорку Кеңешине киргизсин жана «Кыргыз Республикасынын Ички иштер министрлигинин Ички аскерлери жөнүндө» Кыргыз Республикасынын Мыйзамы кабыл алынгандыгына байланыштуу Кыргыз Республикасынын айрым мыйзам актыларына өзгөртүүлөрдү киргизүү жөнүндө» Кыргыз Республикасынын Мыйзам долбоорун иштеп чыксын жана Кыргыз Республикасынын Жогорку Кеңешине киргизилсин;
— ушул Жарлыктан келип чыгуучу уюштуруучулук, финансылык жана башка маселелерди чечсин.
Жогоруда аталган мыйзам актылары күчүнө кирген учурдан тартып Кыргыз Республикасынын Президентинин 2014-жылдын 12-мартындагы № 56 «Кыргыз Республикасынын Улуттук гвардиясы жөнүндө» Жарлыгынын 3-пунктунун үчүнчү абзацы күчүн жоготту деп табылсын.
Бул Жарлыктын аткарылышын контролдоо Кыргыз Республикасынын Коопсуздук кеңешинин катчылыгына жүктөлсүн.
Жарлык расмий жарыяланган күндөн тартып күчүнө кирет.
Саламаттык сактоо министрлигине караштуу “Кыргызфармация” мамлекеттик ишканасы түзүлдү. Бул тууралуу Министрлер кабинетинин басма сөз кызматы билдирди. …
9-10-11-декабрь күндөрү “GOVORI.TV” мультимедиалык маалыматтык агенттиги медиа айдыңындагы “Кыйын” телевизиондук ток-шоусунун алкагында сегизинчи окутуу иш-чарасын …
Govori.TV медиа рынокто 5 жыл! Интернет телеканал бейтараптуулукту карманганы үчүн бааланат. 5 жыл аралыгында Govori.TV …
Govori.TV “Кыйын” телевизиондук ток-шоусунун алкагында тренинг өткөрдү. Окутуу семинарына Кыргызстандын 7 дубанынан келген 17 айым …
9-10-11-декабрь күндөрү “GOVORI.TV” мультимедиялык маалыматтык агенттиги медиа айдыңындагы “Кыйын” телевизиондук ток-шоусунун алкагында тренинг өткөрүп жатат. …
7-8-9-октябрь күндөрү “GOVORI.TV” мультимедиялык маалыматтык агенттиги медиа айдыңындагы “Кыйын” телевизиондук ток-шоусунун алкагында тренинг өткөрүп жатат. …
