Бүгүн, Президент Сооронбай Жээнбеков «Бүткүл дүйнөлүк тазалык күнүнө» карата Гареев атындагы Ботаникалык бакта өткөрүлгөн ишембиликке катышты. Мамлекет башчысы менен бирге президенттик аппараттын кызматкерлери бактын аймагын тазалашты.
Жумушка «ЭкоДеми» коомдук фондунун ыктыярчылары дагы жардам беришти. Ишембиликтин аягында, Жээнбеков бактын абалы менен таанышып чыкты. Бакты оңдоп түзөөнүн планы тууралуу эл башчысына, Ботаникалык бактын директорунун милдетин аткаруучу Гүлайым Донбаева менен Бишкектин мэри Азиз Суракматов маалымат беришти.