Президент Садыр Жапаров бүгүн, 11-майда, Түрк мамлекеттер уюмунун башкы катчысы Кубанычбек Өмүралиевди кабыл алды. Бул тууралуу өлкө башчынын басма сөз кызматынан билдиришти.
Жолугушууда уюмдун учурдагы ишмердүүлүгүнүн артыкчылыктуу багыттары, ошондой эле жакынкы келечекте мындан аркы өнүгүүсү боюнча пикир алмашуу болду.
Мамлекет башчысы ТМУнун эл аралык аренадагы күндөн күнгө өсүп жаткан ролун жана Уюмдун башкы катчысы жооптуу кызматындагы Кубанычбек Өмүралиевдин жүргүзүп жаткан жемиштүү ишин белгиледи.
ТМУнун башкы катчысы өз кезегинде Уюмдун учурдагы ишмердүүлүгү, 2023-жылга карата пландары, ошондой эле түрк кызматташтык институттарынын натыйжалуулугун жогорулатуу боюнча жүргүзүлүп жаткан иштер тууралуу айтып берди.
Ал 2024-жылы Казакстанда өтө турган V Дүйнөлүк көчмөндөр оюндарын өткөрүүгө даярдыктарга, ошондой эле түрк тилдүү өлкөлөрдүн ортосундагы соода-экономикалык байланыштарды өнүктүрүү үчүн транспорттук байланыштарды өнүктүрүү боюнча башка эл аралык уюмдар менен жүргүзүлүп жаткан сүйлөшүүлөргө өзгөчө көңүл бурду.
Садыр Жапаров менен Кубанычбек Өмүралиев ТМУга мүчө-мамлекеттеринин ортосундагы достук жана бир туугандык мамилелерди мындан ары өнүктүрүүгө өз ара ниеттерин ырасташты.
Президент Садыр Жапаровдун 7-9-майда Россия Федерациясына болгон иш сапары аяктады. Бул тууралуу президенттин басма сөз …
Президент Садыр Жапаров бүгүн, 9-майда, кыргызстандыктарды Улуу Ата Мекендик согуштагы Жеңиш күнү менен куттуктады. Мамлекет …
Президент Садыр Жапаров бүгүн, 7-майда иш сапары менен Россия Федерациясына жөнөп кетти. Иш сапардын алкагында …
Президент Садыр “Кыргыз Республикасынын айрым мыйзам актыларына (“Жер казынасы жөнүндө”, “Биосфералык аймактар жөнүндө” Кыргыз Республикасынын …
Президент Садыр Жапаров бүгүн, 6-майда Ош облусуна болгон жумушчу сапарынын алкагында Барак эксклавынан көчүп чыккан …
Президент Садыр Жапаров бүгүн, 6-майда, бир күндүк жумушчу сапары менен Ош облусуна барат. Маалыматка караганда, …
