Бишкек.20.08.2019.Govori.TV.
«Росинбанктын» аталышы «Керемет банк» болуп өзгөрдү. Бул тууралуу Улуттук банктын басма сөз кызматы кабарлады.
Маалыматка ылайык, чечим 16-августта акционерлердин жыйынында кабыл алынган. Банктын акцияларынын 85 пайызы Улуттук банкка таандык. Андан тышкары, Мамлекеттик мүлк фондунун жана жеке тараптардын да үлүштөрү бар.
Кошумчалай кетсек, «Росинбанк» 2013-жылы ачылып, учурда өлкө аймагында анын отузга жакын кеңсеси бар.
