Бугүн, 8-июнда Жогорку Кеңештин депутаты Нуржигит Кадырбеков бийлик бутактары менен кесиптештерин ынтымакка чакырган кайрылуу жасады.
Анын айтымында, Өкмөт мүчөлөрү менен Жогорку Кеңештин ортосундагы мамиле эл арасында талкуу жаратууда.
«Чындыгында күчтүү мамлекет — армиясы күчтүү, алтыны көп, авияциясы күчтүү, атом бомбасы бар же космоско учкан мамлекет эмес, күчтүү мамлекет — адамдардын ойлору, баштары, тилектери бириккен мамлекет. Ошондуктан баарыбыз бириксек, душманыбыз бизден сүрдөйт, Жараткан бизге нур берет, аброй берет. Бул маселе бизде актуалдуу болуп баратат. Үч балакет бар, алар: бөлүнүп-жарылуу, караңгылык жана руханий жардылык. Ушул бөлүнүп-жарылуу деген балекет Улуу Кыргыз Каганаты урагандан бери каныбызга сиңип калгандай, аймак-аймак, клан-клан, тап-тап, бай-кедей деп бөлүндүк. Эми идеологиялык «сен батышчыл, сен чыгышчыл» деген бөлүнүү болуп жатат. Эгерде биз ынтымактуу болбосок, өлкөнү күчтөндүрө албайбыз. Дагы бир «бул саясатчынын, тиги партиянын тарапташы» деп бөлүнмөй пайда болду. Өткөндө көрдүңүздөр, бул жакта болбой турган нерсе болуп кетти. Мен элди аралап келдим. Мурун көпүрөнү, бала бакчаны, суу маселесин сурашчу. Азыр «эмне болуп бара жатасыңар?», «саясий маданиятты бизге көрсөтсөңөр болот беле?» деген сөздөрдү айтып жатышат. Элдин үнүн жеткирүү менин депутаттык милдетим. Көрүп жатасыздар, кыргыздын баатыр жигиттери бир саясатчыны колдоп, экинчисине тил тийгизип жатып ынтымак ыдырап кетет. Ушул күчтү колдон келсе башкаларга көрсөтөлү. Ушул жердеги сөздөн кийин чек арадагы окуя чыкты. Бизге азыр батынбай тап бергендер көбөйдү. Анткени башыбыз, тилибиз бирикпей жатат. Сүрүбүз, сырыбыз кетип жатат», — деди Кадырбеков.
Жогорку Кеңешитин депутаты Кундузбек Сулайманов Россия Федерациясынын президентин шайлоону өткөрүүнүн жүрүшүнө КМШ Парламенттер аралык ассамблеясынын …
Жогорку Кеңештин депутаты Шайлообек Атазовдун мандаты боюнча маселе жаралганын, анын тарапташтары делген бир нече адам …
Жогорку Кеңештин депутаты Жалолидин Нурбаев театрда коюлган спекталге нааразы болгону боюнча комментарий берди. «Маданият, искусство деп коомчулукка …
Фани менен аралашкан далай кишинин башы түрмөгө кетет. Бул тууралуу бүгүн, 3-октябрда өткөн социалдык саясат …
«Чет элдик өкүл» мыйзамына каршымын. Мындай пикирин Жогорку Кеңештин депутаты Динара Ашимова билдирди. «Мен бул …
Бүгүн Жогорку Кеңештин жалпы жыйынында «Ыйман Нуру» фракциясынын депутаты Нуржигит Кадырбеков сөз сүйлөп, өлкөдө болгон …
