Түркияда киши колдуу болуп көз жумган ишкер Айеркен Саиматинин айланасындагы окуяларды иликтөө үчүн Жогорку Кеңеште убактылуу депутаттык комиссия түзүлгөн. Кийинчерээк комиссиядан эки депутат — Искендер Матраимов (КСДП) менен Алтынбек Сулайманов («Бир бол») чыккан.
Жогорку Кеңештин бүгүн, 28-ноябрдагы отурумундагы чечим менен комиссиянын курамына 2 депутат кошулду. Алар — Абтандил Кулбараков (КСДП) менен Жаныбек Бакчиев («Бир бол»).
Комиссия курамы:
Өмүрбек Бакиров (КСДП), Сайдолимжон Жураев (КСДП), Аалы Карашев (КСДП), Абтандил Кулбараков (КСДП), Мирлан Жээнчороев («Республика — Ата Журт»), Закир Шарапов («Республика-Ата Журт»), Талант Мамытов («Республика-Ата Журт»), Данияр Төлөнов («Кыргызстан»), Алмазбек Эргешов («Кыргызстан»), Тынчтыкбек Шайназаров («Өнүгүү-Прогресс»), Жаныбек Бакчиев («Бир Бол»), Алмамбет Шыкмаматов («Ата Мекен»).
Түркиянын Стамбул шаарында 10-ноябрда кечинде ишкер Айеркен Саимаитини атып өлтүрүп кетишкен. Анын ысымы Кыргызстандан чыгарылган 700 млн доллар тууралуу журналисттик иликтөөдө айтылган болчу.
