Кыргыз өкмөтү саламаттык сактоо министри Сабиржан Абдикаримовдун кызматтан кеткендиги тууралуу маалыматты четке какты.
Өкмөттүн басма сөз кызматы 27-июлда билдиргендей, министр Абдикаримов кызматтан кетүү тууралуу арыз жазган жок.
«Ал ооруканадан чыкты. Учурда аралыктан иштеп жатат. Жакынкы күндөрү ишке чыгат»,- деп жазылат маалыматта.
Буга чейин жергиликтүү айрым маалымат булактары Абдикаримов отставкага кетүү тууралуу арыз жазганын, анын ордуна өкмөттүн алдындагы Милдеттүү медициналык камсыздандыруу фондунун жетекчиси Элнура Боронбаева дайындала турганын жазып чыккан.