Бишкек шаарындагы 6-кичи райондо жайгашкан «Эко Исламик Банк» ЖАКтын филиалын белгисиз адамдар тоноп, ири суммадагы акчаны алып кетишкен.
Такталбаган маалыматтар боюнча 1 миллион сомдон ашык каражатты алып кетишкен.
Алдын ала маалыматтарга караганда, 26-ноябрда болжол менен саат 09:00 чамасында медициналык бет кап тагынган эки адам банктын күзөтчүсүн сабап, качып кетишкен.
Ал эми, бул факт Жазык кодексиндеги 202-берене (каракчылык) боюнча Кылмыштар жана жоруктардын бирдиктүү реестрине катталды. Учурда кылмышка шектүүлөрдү издөө боюнча тиешелүү иш-чаралар жүргүзүлүп жатат.
