Жарандык авиация агенттигинин директорунун эл аралык авиакаттамдардын жанданышы тууралуу билдирүүсүндө так эместиктер болду. Бул тууралуу Республикалык штабдан билдиришти.
Такталган маалымат боюнча, аэропортторду 15-июндан тарта эл аралык каттамдарды кабыл алууга даярдоо пландалып жатат. Ал эми каттамдардын өзү боюнча өкмөттүн өзүнчө чечими чыгат.
Эске салсак, кечээ,4-июндагы брифингде Жарандык авиация агенттигинин директору Курманбек Акышев эл аралык авиакаттамдарды 15-июндан тарта жандантуу пландалып жатканын, учурда эки чет элдик компания учууга макулдук бергенин айткан болчу.