• Ишенби 4 Бугу 2024
  • Суббота 4 Май 2024

Си Цзиньпин Кытайдын төрагасы кызматына үчүнчү мөөнөткө кайра шайлады

10 Жалган куран 2023 14:07 Бишкек Govori.TV

Эл өкүлдөрүнүн бүткүл кытай кеңешинин депутаттары Си Цзиньпинди Кытайдын төрагасы кызматына үчүнчү мөөнөткө кайра шайлады. Бул тууралуу «Синьхуа» маалымат агенттиги кабарлады.

Мындан тышкары Си Цзиньпин Борбордук аскердик кеңештин төрагасы кызматына да кайра шайланды. Мындай чечимди 2 952 депутаттын баары бир добуштан колдогону кабарланды. Буга чейин депутаттар Кытайдын Мамлекеттик кеңешинин реформалар боюнча планын да жактырган.

Мамлекеттик кеңеш Кытайдын жогорку аткаруу органы болуп эсептелет. Азырынча анын реформалар боюнча планы жарыялана элек. Бирок ал Кытай Компартиясынын «борборлоштурулган жетекчилигин» күчтөнтүп, мамлекеттик аппараттын натыйжалуулугун жогорулатышы керек.

«Коммерсант» басылмасы белгилегендей, муну менен Си Цзиньпин өлкө тарыхында үч жолу беш жылдык мөөнөткө Кытайдын төрагасы болуп шайланган алгачкы жетекчи болуп калды.

Си Цзиньпин 69 жашта. Ал Кытай Коммунисттик партиясынын Борбордук комитетинин башкы катчысы болуп 2012-жылы тандалып, 2013чү жана 2018-жылдары Кытайдын төрагасы болуп шайланган. 2017чи жана 2022-жылдары Компартиянын Борбордук комитетинин башкы катчысы болуп кайра шайланган.

Количество просмотров: 59