Соңку жаңылыктар: Мыйзамсыз сатылып жаткан күйүүчү май алынды. Ташиев “Курманбек” стадионун текшерди

МЫЙЗАМСЫЗ САТЫЛГАН КҮЙҮҮЧҮ МАЙ

Бишкекте мыйзамсыз сатылып жаткан күйүүчү май алынды.

Муниципалитеттен билдиришкендей, рейддин алкагында Профсоюз көчөсүндө болжол менен 160 литр уруксатсыз сатылып жаткан күйүүчү май алынды.

Ошону менен жаңы ишкерлерге карата административдик протоколдор түзүлүп, экинчи категориядагы айыппул салынып, башаламан соодага жол бербөө боюнча түшүндүрүү иштери жүргүзүлдү. Бул багыттагы иштер улантылууда

КАР КӨЧКҮ ТҮШҮҮ КОРКУНУЧУ

ӨКМге караштуу Кыргызгидромет кызматынын билдирүүсүнө караганда 29-январдан 31-январга чейин күтүлүп жаткан жаан-чачынга байланыштуу Кыргызстандын тоолуу райондорунда кар көчкү түшүүсү күтүлөт. Бишкек – Ош унаа жолунун Төө-Ашуу ашуусуна , Чычкан капчыгайына, Ала-Бел ашуусуна, Каракол — Эңилчек унаа жолундагы Чоң-Ашуу ашуусуна;  Ала-Бука — Каныш-Кыя унаа жолунун Чапчыма ашуусуна жана Красная-Горка — Акташ унаа жолунун 0-3-чакырымдарына кар көчкү түшүүcү жана кар күрткүсү күтүлүүдө .

Унаалардын ортосундары аралык сакталуусу керек.

ТАШИЕВ “КУРМАНБЕК” СТАДИОНУН ТЕКШЕРДИ

Жалал-Абад шаарындагы борбордук “Курманбек” стадиону толугу менен оңдоп-түзөөдөн өтөт. Азыркы тапта жумуш кызуу жүрүп жатат. УКМК төрагасы Камчыбек Ташиев реконструкциялоо иштери менен жеринен таанышты.

Долбоорго ылайык, эл аралык талаптарга жооп заманбап футбол аянтчасы гибриддик стадион болуп курулат. Муну менен эл аралык бардык деңгээлдеги иш-чараларды өткөрүүгө, машыгууларды уюштурууга ыңгайлуу шарттар түзүлмөкчү.

Каржылоо жагы демөөрчүлөр тарабынан ишке ашып, 40 млн сомдун тегерегиндеги акча жумшалат. Камчыбек Ташиев стадиондун айланасындагы чарба иштерине дагы сын айтып, бир катар кемчилдиктерге токтолуп, тиешелүү жетекчилерге тапшырмаларды койду.