«Кыргызстан менен БАЭнин ар тараптуу өз ара аракеттенишүүсү туруктуу өнүгүүгө багыт алды», — деп баса белгиледи Кыргыз Республикасынын Президенти Сооронбай Жээнбеков бүгүн, 12-декабрда Абу-Дабинин Мураскер ханзаадасы, БАЭ Куралдуу Күчтөрүнүн Башкы командачысынын орун басары Мухаммед Бин Заед Аль Нахайян менен болгон жолугушууда.
Жолугушуу Кыргызстандын Президентинин БАЭге расмий визитинин алкагында өттү. Саясий, соода-экономикалык жана маданий-гуманитардык чөйрөлөрдө эки тараптуу кызматташуунун келечеги талкууланды.
Абу-Дабинин Мураскер ханзаадасы Мухаммед Бин Заед Аль Нахаян Сооронбай Жээнбеков менен учурашып, БАЭнин Мамлекет башчысы Халиф ибн Заид Аль Нахайяндын саламын айтты. Ал Кыргыз Республикасынын Президентинин расмий визити өлкөлөр аралык өз ара мамилелердин жогорку деңгээлин көрсөтүп турганын баса белгиледи. Кыргызстан БАЭ үчүн жакын өлкө экенин айтты.
Абу-Дабинин Мураскер ханзаадасы Эмираттар Кыргызстан менен конструктивдүү кызматташууну улантаарын жана Президент Сооронбай Жээнбековдун визити жакшы натыйжаларды алып келерине ишенимин билдирди.
Президент Сооронбай Жээнбеков меймандостук жана жылуу кабыл алуу үчүн ыраазычылык билдирди.
Ошондой эле Абу-Дабинин Мураскер ханзаадасынын бир тууганы шейх Султан бин Заед Аль Нахайяндын дүйнөдөн кайткандыгына байланыштуу көңүл айтты.
Президент Кыргызстан БАЭ менен достук мамилелерди өнүктүрүүгө өтө чоң маани берерин, эки элди тарыхый жана руханий достук байланыштары бириктирип турарын, кыргыздар да араб эли сыяктуу көчмөндөр маданиятын жана салттарды сактап калган көчмөн эл экенин белгиледи.
Сооронбай Жээнбеков кызматташуунун бардык спектри боюнча өз ара кызматташууну жана анын ичинде соода-экономикалык жана маданий-гуманитардык байланыштарды тереңдетүүгө кызыкдарлыгын билдирди.
Жолугушуунун соңунда Президент Сооронбай Жээнбеков жана Абу-Дабинин Мураскер ханзаадасы Мухаммед бин Заед Аль Нахайяндын катышуусунда Кыргыз Республикасынын Президентинин расмий визитинин алкагында расмий делегациялардын мүчөлөрү тарабынан кол коюлган эки тараптуу макулдашууларды эки өлкөнүн мамлекеттик органдарынын жетекчилеринин өз ара алмашуу аземи болуп өттү.
Кыргызстандын Президенти Садыр Жапаров менен Азербайжандын Президенти Ильхам Алиев бүгүн, 25-апрелде, Хыдырлы айылында болочок орто …
Жогорку Кеңештин төрагасы Нурланбек Шакиев Монголиянын Улуу Мамлекеттик Хуралынын төрагасы Гомбожавын Занданшатар менен жолугушту. Бул …
2024-жылдын 22-23-апрелинде Улуу Британиянын тышкы иштер министри Лорд Дэвид Кэмерон Кыргызстанга расмий сапары менен келет. …
КР Президенттик администрациясы Сорос фондунун Кыргызстандагы өкүлчүлүгүн жабуу жөнүндө чечим боюнча комментарий берди. «Фонд командасы …
15-апрелде КРдин Индиядагы Элчиси Аскар Бешимов менен Индиянын Тышкы иштер министринин жаңы дайындалган орун басары …
Кыргызстан Казакстандын суу каптоодон жабыркаган алыскы облустарына “Жардам кербенинин экинчи партиясын жөнөттү. ӨКМден билдиришкендей, жети …
