Бүгүн, 15-сентябрда мектеп менен жогорку окуу жайлар мурдагыдай тартипте ишке киришти. Билим берүү жана илим министрлигинин маалыматына караганда, быйыл 159 миңдей бала 1-класска барды. Ак бантигин тагынып, гүл көтөрө мектепке жана ЖОЖдорго барган студенттер менен окуучулардын маанайын сурап билдик.
Эске салсак, коронавирус пандемиясына байланыштуу бардык мамлекеттик жана муниципалдык билим берүү жайлары 2020-жылдын жазында жабылып, студенттер менен окуучулар аралыктан окуп жатышкан.