Бүгүн, 8-февралдан тарта Кыргызстан жарандарын Кореяга киргизүүгө убактылуу тыюу салынган өлкөлөрдүн катарынан чыгарылды. Бул маалыматты Тышкы иштер министрлигинин басма сөз кызматы билдирди.
Маалыматка ылайык, 8-февралдан тартып Кыргызстандын жарандары аталган өлкөгө тоскоолдуксуз кире алышат.
ТИМ аталган өлкөгө бара турган жарандарды коронавируска карата текшерүүдөн өтүшү керектигин эскертет. Эгерде Түштүк Кореяга барган жарандардан COVID-19 илдети аныкталса, анда виза маселеси кайра каралышы мүмкүн.