Бишкек.26.07.2019.Govori.TV.
Бишкектик дизайнер Никита Тарасенко Улуттук коопсуздук боюнча мамлекеттик комитетке күбө катары суракка чакыруу алган. Бирок бүгүн ал фейсбуктагы баракчасы аркылуу УКМКга барбаганын билдирди.
“Кечирип койгула, уктап калыптырмын, эртең барам”,-деп жазды Тарасенко.
Ал эми аны кайра чакырууну Улуттук коопсуздук комитетинин Башкы тергөө башкармалыгы чече турганы айтылды.
Кошумчалай кетсек, Никита Тарасенко 2018-жылы сентябрь айында президенттин маалымат кызматы тараткан Сооронбай Жээнбековдун жайкы эс алуусундагы сүрөттөргө тамашалуу сөздөрдү жазып, интернетке жайгаштырганы үчүн Башкы прокуратурага чакырылган.
