Тажикстан 2022-жылы коңшу мамлекеттерге 106 миллион долларга электр энергиясын экспорттогон. Бул тууралуу өлкөнүн Статистика боюнча агенттигинин башчысы Жамшед Нурмухаммадзода 14-февралда басма сөз жыйынында билдирди.
Анын айтымында, өткөн жылы Ооганстанга 1,7 млрд. кВт/саат, Өзбекстанга 1,6 млрд. кВт/саат электр энергиясы сатылган. Мындан тышкары башка өлкөлөргө да аз көлөмдө экспорттолгон. Бирок Нурмухаммадзода алар боюнча так маалыматтарды айткан жок.
30-январда Тажикстандын энергетика министри менен «Барки Точик» холдингинин башчысы Ооганстанга жана Өзбекстанга экспорттолуп жаткан электр энергиясы боюнча маалыматтарды берүүдөн баш тартышкан. Ошондой эле алар Ооганстандын энергетикалык Da Afghanistan Breshna Sherkat (DABS) компаниясы электр кубаты үчүн Тажикстанга канча карыз экенин да айткан эмес.
Тажикстанда электр энергиясын экспорттоо маселеси дайыма талаш-тартыш жаратып келген. Айрым тургундар мамлекет алгач өз жарандарын жарык менен камсыз кылып, андан кийин гана башка өлкөлөргө сатышы керектигин айтса, бийлик сыртка ашыкча электр энергиясы гана экспорттолуп жатканын айтып келет.
Тажикстанда 1-февралдан бери калкка электр энергиясын берүүдө чектөөлөр киргизилген. 13-февралда «Барки Точик» холдинги чектөөлөрдүн узактыгы аба ырайына жана Вахш дарыясындагы суу-энергетикалык режимдин турукташуусуна жараша болорун билдирген.
Энергетика министри Таалайбек Ибраев Кыргызстанда электр энергиясына болгон баанын көтөрүлүшү боюнча “Кабар” улуттук маалымат агенттигине …
Тажикстанда ондогон үйлөрдү сел каптаганын бүгүн, 16-апрелде «Азаттыктын» тажик кызматы жазды. Айрыкча Вахдат шаарынын жана …
Депутат Балбак Түлөбаев ЖК комитетинин жыйынында президентке кайрылуу жолдоп, электр энергиясын арзандатууну сунуштады. Депутат буга …
Тажикстандын күч кызматынын өкүлдөрү Москвадагы “Крокус cити” борборундагы кол салууга шек саналып камалгандардын жакындарын суракка …
Министрлер кабинети май айында электр энергиясына болгон тарифти кайра карап чыгат. Тиешелүү токтом долбоору коомдук талкууга коюлду. …
«Улуттук электр тармагы» ишканасы электр энергиясын керектөөгө чектөө киргизди. Маалыматка караганда, «Улуттук электр тармагы» мындай …
