Тажикстандын Куляб шаарындагы «Нонвойи Поён» мечитинин имамы Махмадсодик Саидов беш жылга соттолду. Ал быйыл марттын аягында Дин комитети даярдаган жума баяндарды «Ислох» сайтына жөнөтүп турган деген айып менен кармалган.
«Саидов 1-февралдан 4-мартка чейин телефон аркылуу сайттын башкы редактору менен бир нече жолу байланышып, Дин комитети даярдаган жума баяндарды Facebook аркылуу ага жөнөтүп турган. Мындан тышкары ал сайтка Кулябдын жетекчилери жана шаардагы абал тууралуу маалыматтарды да берип турган», — деп жазылган сот өкүмүндө.
«Ислох» өлкөдө тыюу салынган «Ислам кайра жаралуу партиясына» таандык оппозициялык сайт. Мындан улам диний ишмерге тыюу салынган уюм менен кызматташуу айыбы да тагылган.
Сайттын башкы редактору Мухаммадикбол Садриддин имам алар менен кызматташпаганын билдирүүдө. «Бул жалган, биздин имам менен эч кандай байланышыбыз жок. Бизге жума баяндарды жөнөтүп турган имам башка, ал азыр эркиндикте жүрөт», — деди Садриддин.
Махмадсодик Саидов «Нонвойи Поён» мечитинин имамы болуп 2016-жылы дайындалган.
Расмий маалыматтарга ылайык, быйылкы жылдын алгачкы беш айында «Ислам кайра жаралуу партиясы» менен кызматташуу айыбы менен Кулябдын беш тургуну 5 жылдан 8 жылга чейинки мөөнөттөргө эрктеринен ажыратылган.
Тажикстандын Орусиядагы элчилигине караштуу Коомдук кеңеш тажик жарандары үчүн билдирүү таратып, чет өлкөлүктөр үчүн Орусиянын …
Тажикстанда 2023-жылы «балдарды окутуу жана тарбиялоо боюнча милдеттерин аткарбаган» ата-энелерге 14 миң 126 административдик иш …
23-январга караган түнү Тажикстандын чек ара офицери, 29 жаштагы Бузургмехр Умаров Исфара ооруканасында каза болгону …
Тажикстанда аялдар зомбулуктун ар кандай түрүнө кабылышат. Бул тууралуу БУУнун Өнүгүү программасынын Тажикстандагы кеңсеси жүргүзгөн …
11-октябрда Тажикстандагы май куюучу жайларда суюлтулган газдын бир литринин баасы 7 сомониден ашты. Эки күн …
Кыргызстандын Тышкы иштер министрлиги Тажикстандын Куляб шаарындагы жол кырсыгынан жабыркагандардын арасында кыргызстандыктар жок экенин билдирди. …
