Ош шаардык ички иштер башкармалыгынын ыкчам кызматкерлери тарабынан тоноо фактыларына шектүү катары 4 жаран кармалып, убактылуу кармоочу жайга киргизилди. Бул тууралуу Ош ШИИБи билдирди.
Жабыркаган жарандардын арыздарына караганда, белгисиз төрт жаран аларды коркутуу менен алардын буюмдарын, акчасын тартып алып жүргөн. Өзгөн районунун Красный-Маяк айылынын 21 жаштагы К.М. аттуу тургуну арыз менен кайрылып, 7-сентябрь күнү бейтааныш төрт жаран коркутуп, Айфон 11 үлгүсүндөгү телефонун алып койгондугун билдирген.
Ушундай эле арыз менен Ош шаарынын 21 жаштагы С.А. аттуу тургуну кайрылган. Анда ал “бейтааныш адамдар “Редми 11” үлгүсүндөгү телефонумду тартып алды” , -деп билдирген.
Бул кылмыштуу топ Кара-Суу районунун 22 жаштагы тургуну О. кызы Чга таандык болгон Айфон 13 үлгүсүндөгү телефонун, 20 жаштагы Т.Мге таандык Айфон ХР үлгүсүндөгү телефонду күч колдонуп тартып алышкандыгы белгилүү болду.
Милиция кызматкерлери тарабынан 4 адамдан турган кылмыштуу топ кармалып, алардын жанынан жарандардан тонолуп алынган телефондор, оюнчук тапанча дагы алынды.
Ыкчам иликтөө иш-чараларынын жүрүшүндө 18 жаштагы З.Ф. аттуу Ош шаарынын тургуну, 18 жаштагы Т.Э. аттуу Чоң-Алай районунун тургуну, 18 жаштагы Ош шаарынын тургуну Т.З., 18 жаштагы О.А. аттуу Ош шаарынын тургуну шектүү катары кармалды. Кылмышка шектелгендер убактылуу кармоочу жайга киргизилди.
Учурда тергөө амалдары жүрүүдө.
Ички иштер министрлиги (ИИМ) Жогорку Кеңештин мурдагы депутаты Дүйшөн Төрөкуловдун кармалышы боюнча комментарий берди. Маалыматта …
Социалдык тармактарга “75чилердин каты” боюнча сурак берип жаткандардын, анын ичинде Камчыбек Ташиевдин видеосунун тарап кетиши …
Акыркы убактарда соцтармактарда ар кандай чагымчыл билдирүүлөр орун алууда, ошондуктан эскертүү берип коюуну туура көрдүк, …
Акыркы коңгуроо күнүнө карата көзөмөл күчөтүлөт. Бул тууралуу Ички иштер министрлигинен билдиришти. Маалыматка ылайык, бүтүрүүчүлөрдөн …
УКМКнын мурдагы төрагасы Камчыбек Ташиев эч жакка чыкпоо тууралуу кол койдуруу менен бошотулганын 29-апрелде адвокат …
