«Улуу көчмөндөрдүн мурасы» улуттук холдинг компаниясына Тенгиз Бөлтүрүк жетекчи болуп дайындалды. Бул тууралуу Министрлер кабинетинин төрагасы Акылбек Жапаров 15-февралда өткөн басма сөз жыйында билдирди.
Анын айтымында, холдингдин уставдык капиталы кеминде 10-15 миллиард сомдун тегерегинде болот.
«Бир нече долбоор бар, анын ичинде 12 кенде геологиялык чалгындоо иштери жүрөт. Эми долбоорлор менен «Улуу көчмөндөрдүн мурасы» компаниясы алектенет. Бала-Чычкан темир кени 6 млрд доллар, Жетим-Тоо 4 млрд доллар киреше алып келет», — деди Акылбек Жапаров.
Белгилей кетсек, «Улуу көчмөндөрдүн мурасы» улуттук холдинг 2021-жылдын декабрь айында түзүлгөн.