Кара-Суу районунда тергөөчүгө 10 миң доллар пара катары сунуштаган айыл башчы кармалды. Бул тууралуу Ош ОИИБнин басма сөз кызматы билдирди.
Кара-Суу райондук ички иштер бөлүмүнүн кызматкерлерине жергиликтүү тургундар С.Х., Ш.И., Ю.М., И.Х. жана И.Э. жасалма документтердин негизинде ар бири 0,5 га жер тилкелерин үй куруу үчүн алышкандыгы тууралуу ыкчам маалымат келип түшкөн.
Бул факты 26-сентябрь күнү каттоого алынып, менчикке мыйзамсыз берилген жер тилкелерин мамлекетке кайтаруу багытында тергөөгө чейинки текшерүү иштери башталган.
Текшерүүнүн жүрүшүндө Кара-Суу районундагы Датка айыл аймагында жайгашкан айылдардын биринде айыл башчы болуп эмгектенген 59 жаштагы С.Б. аттуу жаран Кара-Суу РИИБнин тергөөчүсүнө текшерүүнү токтотуу үчүн 10 миң доллар пара сунуштаган.
Чогултулган материалдын негизинде Кылмыш-жаза кодексинин 345-беренеси (Пара берүү) менен кылмыш иши козголуп, ыкчам тергөө амалдары башталган.
10-октябрь күнү милиция кызматкерлери тарабынан айыл башчы С.Б. тергөөчү кызматкердин иш бөлмөсүндө текшерүүнү токтотуу үчүн 10 миң доллар пара катары берип жаткан учурда шектүү катары кармалып, убактылуу кармоочу жайга киргизилди.
Учурда жер тилкелерин менчикке мыйзамсыз берүүгө тиешеси бар башка атуулдарды аныктоо боюнча ыкчам тергөө амалдары уланууда.
ИИМ Ысык-Көлдө туристтик-экологиялык милиция кызматы түзүлүп, балык уулоого мораторий киргизилгенден бери браконьерлик кескин азайганын кабарлады. …
Кочкордо коррупцияга шектелген мурдагы айыл башчы кармалды. Бул тууралуу УКМКдан билдиришти. Маалыматка ылайык, Нарын облусунун …
Бишкек шаарында дайынсыз болуп жаткан сегиз жаш өспүрүмдөрдүн төртөөсү табылды. Бул тууралуу Бишкек ШИИББнин басма …
Социалдык тармактарда жарыяланган видеосу сын пикирлерди жараткан блогерлер милицияга жеткирилди. Бул тууралуу Бишкек ШИИББнин басма …
Свердлов райондук ички иштер башкармалыгынын маалыматы боюнча, милицияга кабар бүгүн саат 11де түшкөн. Чалган адам …
Чүй ОИИБдин маалыматына ылайык, мушташ 2-январда Ысык-Ата районунун айыл аймактарынын биринин борборунда бир нече айылдын …
