Айыл чарба, тамак-аш өнөр жайы жана мелиорация министринин кызматына жаш ишкер Тилек Токтогазиевдин талапкерлиги Жогорку Кеңештин депутаттары жактырды. 21-октябрда болгон жыйында депутаттар Токтогазиевдин талапкерлигин бир добуштан колдоп беришти.
Буга чейин министр Эркинбек Чодуев өз арызынын негизинде кызматтан кеткени кабарланган.
Токтогазиевдин талапкерлигин бул кызматка 2019-жылдын май айында да Жогорку Кеңештеги «Бир Бол» фракциясы көрсөткөн болчу. 29 жаштагы фермер Тилек Токтогазиев «Жашыл чарба» аттуу агрохолдингдин негиздөөчүсү катары белгилүү.
