Бишкек.09.08.2019.Govori.TV.
Кечээ Кыргыз Республикасынын Акыйкатчысы Токон Мамытов Кой-Таштагы кагылышуудан улам ооруканага түшкөн жарандардын ал-абалынан кабар алды. Бул тууралуу ведомствонун маалымат кызматынан кабарлашты.
«Алгач Улуттук Госпиталга андан соң №4 Бишкек шаардык ооруканага бардык. Биз барган учурда 4 адам дарыланып, 1 адам реанимацияда жатыптыр. №4 оорукананага алгач 26 жаран кайрылганын, анын ичинен 6 оор абалда жаткырылып, 1 кайтыш болгонун, 13 амбулатордук жардам көрсөтүлгөнүн айтыштты врачтар.
Ал эми улуттук госпиталдын дарыгерлери, «Кой-Таштын ичинде жүргөн бейтаптар коркуп ооруканадан качып кетип атышты. Экинчи жолкудан алып келип аттык. Аларга качпагыла, силер дарыланууңар керек-деп түшүндүрүп жатабыз. Бизге алардын кайсы жактан, эмне болуп келгени маанилүү эмес, алардын саламаттыгы маанилүү»-дешти»,-деп айтылат маалыматта.
