Тоолуу Карабак жикчил аймагынын полиция кызматкерлери менен азербайжан аскерлеринин ортосундагы жекшемби күнкү ок атышууда бир нече киши каза болду.
Эл аралык коомчулук тааныбаган Тоолуу Карабактын бийлиги жекшемби күнү эртең менен азербайжандык диверсиялык топ жергиликтүү полициянын автоунаасына кол салганын, жыйынтыгында үч кызматкер өлүп, дагы бирөө жарадар болгонун билдирди.
Азербайжандын Коргоо министрлиги автоунаа Армениянын аймагынан Тоолуу Карабактагы армян күчтөрүнө курал-жарак алып баратканын кабарлады. Мекеменин маалыматына караганда, азербайжан аскерлери унааны текшерүүгө аракет кылган маалда эки жоокер каза болгон.
Өз кезегинде Тоолуу Карабактын бийлиги автоунаада курал-жарак жана ок-дары болбогонун, ал Азербайжан билдиргендей Армениядан эмес, тескерисинче Степанакерттен келе жатканын билдирүүдө.
Армения менен Азербайжан Тоолуу Карабакты талашып, алгач 1980-жылдары согушкан. 2020-жылы эки өлкө катуу кагылышып, уруш алты аптага созулган. Армения төрт миңдей, ал эми Азербайжан үч миңдей жаранын жоготкону айтылган. Жаңжалда Азербайжан Тоолуу Карабактагы мурда Армения көзөмөлдөп турган бир нече районду жана Шуша шаарын кайтарып алган.
Акыркы маалыматтар боюнча, Тоолуу Карабак аймагынан Арменияга 19 миң тургун көчүп келди. Алардын эки жарым …
Тоолуу Карабактын Армения колдогон бийлиги 28-июнда таңга жуук Азербайжандын куралдуу күчтөрү армяндардын позицияларын артиллериядан аткылаганын …
Дмитриевка айылындагы атайын операция маалында жаракат алган күч органдарынын бир кызматкерлери операцияга даярдалууда. Бул тууралуу …
Дмитриевкадагы ок атышууда медресе курчоого алынды делген маалымат чындыкка дал келбейт. Бул тууралуу Кыргызстан мусулмандарынын …
Азербайжан менен Армения Тоолуу Карабак аймагындагы чек ара маселесин чечүүдө «күч колдонбоого» макулдашты. Бул тууралуу …
Бүгүн, 16-сентябрда саат 10:00гө карата кыргыз-тажик чек арасындагы тажик тараптын кол салуусунан 11 жаран жабыркады. …
