Өлкө башчы Сооронбай Жээнбеков 14-сентябрь күнү Убактылуу Өкмөттүн мүчөлөрү менен жолукту. Жабык жолугушуу Мамлекеттик резиденцияда өтүп, Убактылуу Өкмөттүн 12 мүчөсү катышкан.
Жолугушуудан чыккан мурдагы өкмөт башчы Темир Сариев сүйлөшүүлөр ачык-айкын өтүп, өлкөдөгү бардык маселе талкууланганын билдирди.
Кыргызстандагы коомдук-саясий кырдаалды анын ичинен өлкөдөгү туруктуулукту камсыз кылуу менен элдин бийликке болгон ишенимин арттыруу үчүн зарыл болгон нерселерди талкууладык–деди Сариев.
