• Бейшемби 22 Чын куран 2021

УКМК: Чычкан капчыгайында мыйзамсыз май ташыган жүк ташуучу унаа кармалды

12 марта 2021 в 14:18 Бишкек Govori.TV

Талас облусунда күйүүчү-майлоочу каражаттарды мыйзамсыз ташып бара жаткан оор жүк ташуучу (бензовоз) унаа кармалды. Бул тууралуу Улуттук коопсуздук мамлекеттик комитетинин маалымат кызматы билдирди.

Такталгандай, күйүүчү май ташуучу унаа Бишкек-Ош унаа жолундагы Чычкан капчыгайынан кармалган. Жүктүн жалпы көлөмү 30 тоннадан ашык болгон.

“Учурда, тиешелүү экспертизаларды дайындоо менен иштин бардык жагдайларын жана бул фактыга тиешеси бар адамдарды аныктоо боюнча ыкчам-тергөө иш-чаралар жүргүзүлүүдө. Кыргыз Республикасынын УКМК республика боюнча контрабандага каршы жигердүү күрөшүүдө. Аныкталган фактылар жана мыйзам бузуулар боюнча УКМК Кыргыз Республикасынын мыйзамдарына ылайык тиешелүү чараларды көрмөкчү”,-деп айтылат маалыматта.

Количество просмотров: 623