Улуттук коопсуздук боюнча мамлекеттик комитет Жогорку Кеңештин депутаты Максат Сабировдун атынан социалдык тармактарда тараган аудио билдирүү боюнча тергөө ишин баштады. Бул тууралуу УКМКнын басма сөз кызматы 12-июлда билдирди.
Маалыматка караганда, иш-чаралардын алкагында өлкөнүн конституциялык түзүлүшүн күч менен өзгөртүүгө чакырган билдирүүнү аныктоо үчүн экспертизалар дайындалат.
«Жыйынтыктардын негизинде юридикалык баа берилип, мыйзамдын негизинде чаралар көрүлөт», — деп айтылат УКМКнын билдирүүсүндө.
