Жылуулук борборунун тегерегиндеги чуу күчөп, кылмыш ишинде улам жаңы жагдайлар пайда болууда. Буу казандарды оңдоп-түзөөгө катышып, ири суммадагы акча каржатын чыгарып кеткен факты боюнча иликтөөлөр жүрүп жатат. Буйрук алган компаниялардын бири «АйМар Энержи» ЖЧКсынын кожоюну мурдагы Өкмөттүн аппарат башчысы Нурканбек Момуналиевдин жакын тууганы болуп чыкты.
22-март күнү Нурканбек Момуналиев УКМКга сурака чакырылганын мекеменин басма сөз кызматы маалымдады.