УКМКнын жалган кызматкери кармалды. Бул тууралуу Атайын кызмат тараткан маалматта айтылат.
УКМК тарабынан жүргүзүлүп жаткан тийиштүү иш-чаралардын алкагында жасалма кызматтык күбөлүктү колдонуп, системалуу түрдө КР УКМК кызматкеримин деп өзүн тааныштырып, укукка каршы жосундарды жасап жаткан КР жараны А.М.М. аныкталган.
«Ошону менен бирге, КР УКМКнын дарегине Н.А.М. аттуу КР жараны арыз менен кайрылып, ар кандай шылтоолор менен А.М.М. 500 миң сом акча каражатын опузалап алгандыгын билдирген. Ошентип, 2025-жылдын 23-июнунда кайрадан эле жасалма документти колдонуп, өзүн УКМК кызматкери катары көрсөткөн А.М.М. аттуу жаран пара менен кармалып, өздүк тинтүү учурунда андан КР УКМК кызматкеринин формасын кийген сүрөтү бар жасалма документи алынган. Жүргүзүлгөн иликтөө иш-чараларынын жыйынтыгында кылмыш ишиндеги төгүндөлгүс далилдерди эске алуу менен А.М.М. кармалып, Бишкек ШИИБдин убактылуу кармоочу жайына камалды», — деп жазылат маалыматта.
Учурда кылмыш иши боюнча тергөө иштери уланып, башка тиешеси бар адамдар такталууда.
Чүйдөгү «Гавайи» эс алуу жайынын аймагындагы массалык мушташка байланыштуу 11 адам кармалып, убактылуу кармоочу жайга …
Ички иштер министрлиги (ИИМ) Жогорку Кеңештин мурдагы депутаты Дүйшөн Төрөкуловдун кармалышы боюнча комментарий берди. Маалыматта …
Улуттук коопсуздук боюнча мамлекеттик комитеттин төрагасынын орун басары Алишер Эрбаев мыйзамсыз иштерге аралашкан деген негизде …
Жогорку Кеңештин мурдагы депутаты Дүйшөн Төрөкулов кармалганы маалымдалды. Бишкектин Биринчи май райондук соту Төрөкуловдун бөгөт …
Ат-Башы районунда жеке жактарга мыйзамсыз берилип кеткен жер мамлекетке кайтарылды. Бул тууралуу УКМКдан билдиришти. Атайын …
Улуттук коопсуздук боюнча мамлекеттик комитеттин (УКМК) мурдагы кызматкери Азамат Дыйканбаев кармалып, камакка алынганы кабарланды. Маалыматка …
