Орусиядагы “Мемориал” укук коргоо борборунун Борбор Азия программалары боюнча директору Виталий Пономарев Кыргызстандан депортациаланды. Бул тууралуу “Бир дүйнө Кыргызстан” укук коргоо кыймылынан ырасташты.
Маалыматка караганда, укук коргоочу адам укуктары боюнча Бишкекте өтүп жаткан фестивалга конок катары чакырылган. Бирок анын Кыргызстанга кирүүсүнө тыюу салынгандыктан иш чарага катыша алган эмес.
Укук коргоочу Виталий Пономарев “Манас” эл аралык аэропортунан Бишкекке учуп келип, чек ара көзөмөлүнөн өтүп жаткан учурда 14-ноябрда кармалган.
Маалыматка караганда, Чек ара кызматынын өкүлү анын Кыргызстанга кирүүсүнө 2017-жылы тыюу салынганын, чечим 2020-жылы узартылганын айткан.
2017-жылы Пономаревду Кыргызстанга киргизбөө боюнча тапшырма атайын кызматтан келип түшкөнүн ошол кезде Мамлекеттик чек ара кызматы билдирген. Атайын кызматтан комментарий алууга мүмкүн боло элек.
«Мемориал» укук коргоо уюму Орусияда «чет өлкөлүк агент» деп таанылган. Быйыл бул уюм Украинадагы Жарандык эркиндиктерди коргоо борбору жана беларустук укук коргоочу Алесь Беляцкий менен бирге Нобелдин тынчтык сыйлыгын алды.
Норвегиянын Хельсинки комитети Пономаревго байланышкан маселени кыргыз бийлиги менен сүйлөшүүлөрүндө көтөргөнүн, мындан кийин дагы муну көз жаздымында калтырбай турганын билдирди.
Виталий Пономаревго Кыргызстанга кирүүгө мурдагы президент Курманбек Бакиевдин бийлиги учурунда да тыюу салынган. Ал 2009-жылы бир жолу “Манас” аэропортунан, экинчи жолу Кайыңдыдагы темир жол бажы бекетинен артка кайтарылган. 2010-жылдан кийин бул чектөө күчүн жоготкон эле.
«Кыргыз Республикасында мыйзамдуулукту калыбына келтиргиле!» деген кайрылуусун “Бир Дүйнө Кыргызстан” Укуктук кыймылы Жогорку Кеңештин депутаттарына …
4-майда Санкт-Петербург шаарынын базарларындагы рейд учурунда кармалган 50дөн ашык эмгек мигранты Орусиядан депортацияланышы мүмкүн. Орусиянын …
Тажикстандын жараны Алижон Рахмонов Орусиядан 100 жылга депортацияланды. Соттун тиешелүү токтомунун көчүрмөсүн укук коргоочу Каримжон …
Бүгүн, 17-ноябрда Бишкекте “Бир дүйнө — 2022” эл аралык фестивалы жыйынтыкталууда. Бул жолку фестиваль “Климат …
Жыл сайын өтүүчү адам укуктары боюнча даректүү тасмалардын “Бир дүйнө” фестивалында эки тасманы көрсөтүүгө тыюу …
«Бир дүйнө — Кыргызстан» укук коргоо кыймылы бейөкмөт уюмдар жөнүндө мыйзам долбоорун чакыртып алууну өтүнүп, …
