Бишкек.25.07.2019.Govori.TV.
Мурдагы прокурор Аида Салянованын бир тууган иниси Улан Саляновдун өлүмү боюнча сот иши 30-августка чейин токтотулду. Бул тууралуу жактоочу Рабига Сыдыкова билдирди.
Анын айтымында соттук териштирүүнүн токтотулганына ишти караган судьянын эмгек өргүүсүнө чыгып кеткени себеп болгон.
ИИМ бул кылмыш үчүн жалпысынан үч киши — Эрмек Осмонкулов, Асанэмир Абыкулов жана Заур Насруллаев шек саналып жатканын жарыялаган.
Эскерте кетсек, 2017-жылы 6-ноябрда Улан Саляновду Бишкектин четинде жайгашкан Көк-Жар конушундагы үйүнө кирип, атып кеткен. Кандуу окуяга байланыштуу сот жараяны былтыр сентябрда башталган.
