Эркектер жоопкерчилик алып, алимент төлөш керек. Мындай пикирин Эмгек жана социалдык өнүгүү министри Улукбек Кочкоров билдирди.
Анын айтымында, алиментти төлөтүү боюнча, балдардын укугун коргоо боюнча атайы мыйзам долбоору каралып жатат.
Бир жылда 10 миңдей ажырашуу болуп жатат. Ал эми мурункулардан бери карап келе турган болсок 40 миңден ашуун алименттерди төлөбөө боюнча иштер бар. Ар биринен жок дегенде эле бирден бала болсо 40 миң бала алимент ала албай келет, — деди Кочкоров.
