Министрлер кабинетинин төрагасы Улукбек Марипов Бишкек шаардык кеңешинин депутаттарын кайра шайлоодо добуш берди. Бул тууралуу министрлер кабинетинин басма сөз кызматынан билдиришти.
Улукбек Марипов жубайы менен Бишкек шаарынын №40 жалпы билим берүү орто мектебинин имаратында жайгашкан № 1032 шайлоо участогунда добуш берди.
Белгилей кетсек, Бишкек, Ош жана Токмок шаардык кеңештеринин депутаттарын шайлоо жыйынтыктары жараксыз деп табылгандыгына байланыштуу кайра шайлоо 11-июлга белгиленген.