Улуттук статистика комитетинин төрагасынын орун басары Кошой Исалиев каза болду. Бул тууралуу ведомствонун басма сөз кызматы бүгүн, 6-августта билдирди.
Маалыматка ылайык, 63 жаштагы Исалиев эки тараптуу пневмониянын кесепетинен каза болгон.
Кошой Исалиев статистика органдарында эмгек жолун 1999-жылы Чүй-Токмок мамлекеттик статистиканын аймактык бөлүмүнүн жетекчиси катары баштаган. Ал 1999-жылы өткөн Биринчи улуттук эл каттоо, 2009-жылкы эл жана турак-жай каттоо сыяктуу ири масштабдуу иш чараларды жетектеген, ошондой эле 2002-2003-жылдары жүргүзүлгөн Биринчи айыл-чарбалык каттоонун башында туруп, анын жыйынтыгында Чүй-Токмок мамлекеттик статистиканын аймактык бөлүмү республика боюнча биринчи орунду алган.
2013-жылы Кошой Овосбекович Кыргыз Республикасынын Улутстаткомунун Башкы эсептөө борборунун башчысы болуп дайындалса, 2014-жылы – мамлекеттик статистиканын Бишкек шаардык башкармалыгын жетектеген.
2019-жылдын февраль айында Кошой Исалиев Кыргыз Республикасынын Улуттук статистика комитетинин төрагасынын орун басары болуп дайындалган.
Govori.TVнын эмгек жамааты маркумдун туугандары менен жакындарына терең кайгыруу менен көңүл айтат.
Баткен районунда 16 жаштагы кыз бычак жеп каза болду. Маалыматты Баткен ОИИБдин басма сөз кызматы …
3 баланын энеси, 33 жаштагы келин мурдагы күйөөсүнүн колунан каза тапты. Бул тууралуу «Балдар укугун …
Орусиялык басылмалар 18-март күнү кечинде «Урал аба жолдору» компаниясынын Москва-Куляб багытында бараткан учагында жүргүнчү өзүн …
Көрүнүктүү опера ырчысы, Кыргыз Республикасынын эл артисти Талгарбек Жакшылыков дүйнө салды. Бул тууралуу Маданият, маалымат, спорт …
«Азия MIX» командасынын мурдагы мүчөсү Марат Жуманалиев каза болду. Бул тууралуу анын жакындары билдирген. Алдын ала маалыматтар …
Ысык-Көл облусунун Ак-Суу районуна караштуу Жыргалаң айылында Чехиянын төрт жаранын кар көчкү басып калып каза …
