Улуу Британия орус активдеринен түшкөн дээрлик $1 млрд. Украинага берди

Улуу Британия тоңдурулган орус активдеринен түшкөн киреше менен камсыздалган алгачкы $1 миллиард Украинага берди. Украинанын премьер-министри Денис Шмыгалдын айтымында, акча коргонуу жөндөмүн чыңдоого жумшалат. Бул тууралуу DW жазат.

Украина «чоң Жетинин» демилгесинин алкагында орус активдеринин тоңдурулган кирешеси менен камсыздалган Британиядан каражаттын биринчи траншын алганын Денис Шмыгал билдирди.

«Бүгүнкү күндө биз 752 миллион фунт стерлингге ($970 млн) ээ болдук. Каражат Украинанын коргонуу жөндөмдүүлүгүн чыңдоого жумшалат»,-деп жазган aл 7-март, жума күнү өзүнүн Telegram-каналында.

Шмыгал Улуу Британиянын Өкмөтүнө жана G7 боюнча өнөктөштөрүнө «Орусиянын каражаттарын Украинага иштөөгө мажбурлаган механизми»үчүн ыраазычылык билдирди.

«Келечекте Орусиянын бардык эгемендүү каражаттары конфискацияланат жана биздин мамлекеттин пайдасына өткөрүлүп берилет деп ишенебиз», — деп кошумчалады өкмөт башчы.

Лондон бөлүп берген акча Extraordinary Revenue Acceleration for Ukraine (ERA) программасынын бир бөлүгү, анын алкагында G7 өлкөлөрү Украинага РФ Борбордук банкынын Батышта тоңдурулган активдеринен түшкөн пайдасын жалпы суммасы 50 миллиард доллар насыя беришет.

Улуу Британия менен Украина 1-мартта 2,26 миллиард фунт стерлинг (болжол менен 2,74 миллиард евро) насыя келишимине кол коюшту. Бул насыя Орусиянын агрессиядан коргоо үчүн Украинанын аскердик сатып алууларды каржылоо үчүн колдонулат деп болжолдонууда. Ал санкцияланган Россиянын суверендүү активдеринен алынган кирешенин эсебинен кайтарылат.

Орусиянын Мамлекеттик Думасынын Төрагасы Вячеслав Володин Британиянын «Орусияга таандык каражаттарды» Украинага өткөрүп берүүсүн эл аралык укукту одоно бузуу деп атады.

Мамлекеттик Думанын басма сөз кызматы Володиндин сөзүн мындай келтирди:» алар азыр берешендик менен берилип жаткан нерсени Орусияга кайтарып бериши керек».

Анын айтымында, Орусияда азыр «жооп катары биздин өлкөдөгү Британиянын мүлкүн конфискациялоого толук негиз бар».