Ник Боулер Улуу Британия Королдугунун Кыргыз Республикасындагы элчиси болуп дайындалды. Ал бул кызматта Чарльз Гарреттин ордуна келди. Бул тууралуу падышачылыктын Бишкектеги дипломатиялык өкүлчүлүгүнөн билдиришти.
Ник Боулер өзүнүн миссиясын 2023-жылдын июнь айында баштайт. 2020-жылдан азыркы күнгө чейин Киевде иштеп келет. Британ элчилигинде программа бөлүмүн жетектеген.
2017-2020-жылдары оккупацияланган Палестина аймактарында реформа жана коопсуздук тобун жетектеген. 2015-2017-жылдары Кыргызстандагы Эл аралык өнүктүрүү департаментинин директорунун милдетин аткаруучу болгон.
Эске салсак, Улуу Британиянын Кыргызстандагы мурдагы элчиси Чарльз Гаррет дипломатиялык миссиясын 2022-жылдын ноябрында аяктаган.
