Бишкек шаарында уурулукка шектүү адам изделип жатат. Бул тууралуу ШИИБдин басма сөз кызматы билдирди.
Түзүмдүн маалыматы боюнча, 14-январда саат 06:00дө «102» кызматына Жумабек менен Павлов көчөлөрүнүн кесилишинде токтоп турган «Фиат» үлгүсүндөгү унаадан акча уурдалганы тууралуу билдирүү түшкөн. Окуя болгон жерге барган ыкчам тергөө тобуна К.Д. аттуу жаран арыз менен кайрылган. Анын айтымында, таң эрте унаасында уктап жатканда белгисиз адамдар баштыгынан 3 миң сом, 15 миң рубль жана 5 миң тенге акчасын уурдап кетишкен.
«Бул факт Жазык кодексиндеги 200-берене (уурулук) боюнча Кылмыштар жана жоруктардын бирдиктүү реестрине катталган. Тергөөнүн жүрүшүндө К.Д. 10-январда Москва шаарынан «Фиат» үлгүсүндөгү унаасы менен чыкканын билдирди. Нурдин аттуу жүргүнчүнү кошо алып келип, ал жол акысын Бишкектен берүүнү убадалаган. Алар 14-январда саат 05:00 чамасында Бишкек шаарына келишкен. Кеч болуп кеткендиктен унаада уктап, ойгонгондо Нурдинди таппай калган. Ошондой эле акчасы жоголгонун байкаган.
Тергөө кызматы тарабынан жүргүнчү 1999-жылы туулган М.Н. экени аныкталды. Учурда издөө иш-чаралары жүрүп жатат. Ошондой эле башка шектүүлөр болушу мүмкүн экени болжолдонууда», — деп айтылат маалыматта.
Нарын дарыясына агып кеткен 6 жаштагы бала изделүүдө. Бул тууралуу ӨКМ кабарлады. Таш-Көмүр шаарына караштуу …
Бишкекте белгисиз киши дүкөндүн сатуучусуна кол салып, аёосуз сабап салган. Окуянын видеосу социалдык тармактарда тарады. …
Жалал-Абад шаарында чет элдик жарандан акча талап кылган кылмыш чөйрөсүнүн өкүлү кармалды. Бул тууралуу УКМКнын …
Бишкекте милиция кызматкерлери тарабынан бейбаштыкка шектүү жаран кармалды. Бул тууралуу Октябрь райондук милициясынан билдиришти. Маалыматка …
Өзбекстанда 45 жаштагы киши Термез-Ташкент каттамындагы автобуста жанында уктап калган аялдын төшүн кармалаганы үчүн 15 …
ИИМдин Кылмыш иликтөө башкы башкармалыгынын кызматкерлери тарабынан мындан 9 жыл мурун жасалган өзгөчө оор кылмыштын бети …
