Бүгүн, 28-февралда “Вечерний Бишкек” басылмасынын Kaktus.media сайтынын үстүнөн жазган арызы Бишкектин Биринчи май райондук сотунда каралды. Отурумга судья Жылдыз Сайдылдаева төрагалык кылууда.
Маалым болгондой, сайтты сотко берүүгө «Вечерний Бишкек» гезити жабылып, кызматкерлери иштен кетери тууралуу макала себеп болгон. Коюлуп жаткан доонун суммасы 50 млн сомду түзөт.
Анын 25 млн сому журналист Диля Юсуповадан, башкы редактор Наталья Тимирбаевадан жана мекеменин негиздөөчүсү Дина Масловадан талап кылынууда. Калган 25 миллионду басылманын өзүнөн өндүрүү талабы айтылган.
Жабык акционердик коом макалада басылма жабылары жана банкротко учураганы тууралуу туура эмес маалыматтар берилген деп эсептейт.
“Макалада басылма 2023-жылдын 1-январынан тарта жабыла турганы жазылган. «Вечерний Бишкек” жабылбай эле ишин улантып жатат, жоюулуу алдында турган жок. Бул маалыматтар чындыкка дал келбейт деп эсептейбиз», — деди «Вечерний Бишкектин» директору Жумабеков.
Ал эми адвокат Акмат Алагушев төмөндөгүлөрдү билдирди.
«Буга чейин алдын ала угуулар болгон. Бүгүн соттук процесс башталды. Отурумда арыз берген тарап өз жүйөлөрүн келтирди. Кийинки соттук отурум 16-март саат 10:00гө белгиленди «,-деди Алагушев.
Эске салсак, «Вечерний Бишкек» жабыла турганы жөнүндөгү макала Kaktus.mediaнын сайтында 29-декабрда чыккан.
Чет өлкөлүк жаранды зордуктоого шектелген актёр Чыңгыз Мамаев акталды. Бул тууралуу Govori.TVга адвокат Нурсултан Жаныбеков …
Бүгүн, 12-апрелде Бишкектин Свердлов райондук соту 15 жаштагы кызды зордуктады деп айыпталган жаранды актады. Бул …
Журналисттер Жоодар Бузумов, Тыныстан Асыпбеков, Сайпидин Султаналиев жана «Temirov Live» каналынын мурдагы кызматкери Максат Тажыбек …
Бүгүн, 1-апрелде Жогорку Кеңештин Социалдык саясат боюнча комитетинин жыйынында депутат Камила Талиева Саламаттык сактоо министри …
Бүгүн, 27-мартта Бишкек шаардык соту журналист Жоодар Бузумовдун баш коргоо чарасын карамак, бирок анын жактоочусу …
Жогорку Кеңештин экс-депутаты Турсунбай Бакир уулу №7 Ош бир мандаттуу шайлоо округу боюнча депутаттыкка арыз …
