Wildberriesтеги чыр чатак. Сот Татьяна Кимге Владислав Бакальчуктун үлүшүн ыйгарды

Сот Татьяна Кимге Владислав Бакальчуктун Wildberries компаниясынын үлүшүн ыйгарды. Бул тууралуу Москванын Савелов соту билдирди.

Wildberries компаниясынын негиздөөчүлөрүнүн ортосунда активдерди бөлүштүрүү процесси аяктады. Соттун чечимине ылайык, Владислав Бакальчукка тиешелүү болгон «Wildberries» ЖЧКсынын 1 пайыз үлүшү анын мурдагы жубайынын менчигине өттү.

Сот ошондой эле Татьяна Кимге «Wildberries Bank» компаниясынын 100 пайыз үлүшүн жана жеке эсебиндеги бардык каражаттарды өзүнө калтыруу чечимин чыгарган.

Ошентип, сот Татьяна Кимдин талаптарын толугу менен канааттандырды.

Татьяна Ким менен Владислав Бакальчук февралда ажырашкан, бирок жубайлардын ажырашуусу былтыр жайында жарыяланган. Ажырашуу Wildberries менен тышкы жарнама оператору Russ санарип соода платформасын түзүү үчүн биригүү планын жарыялагандан көп өтпөй болот.

Эске салсак, буга чейин Владислав Бакальчук Wildberries, RVB компанияларына жана анын жубайы Татьяна Кимге каршы 350 миллиард рублдан ашык доо арыз менен кайрылган.

Владислав Бакальчук тең негиздөөчүсү, ал компаниянын 1 пайызына, анын жубайы 99 пайыз ээлик кылган.

2024-жылдын 18-сентябрында Москвадагы «Романов Двор» бизнес борборунда атышуу болгон. Анда эки күзөтчү каза болуп, жети адам жарадар болгон. Корпорациянын кожоюну Татьяна Бакальчук күйөөсү Владиславды корпоративдик рейдерлик чабуулга аракет кылган деп айыптаган. Жооп катары ал өз командасы менен сүйлөшүүгө келгенин, бирок алар ага ок чыгарышканын билдирген.