29-апрелде “Ынтымак” сейил багында “Ы тамгасы” арт-объектисинин ачылышы болду. Иш-чарага Бишкек шаарынын мэринин орун басары Жыргалбек Шамыралиев, Октябрь райондук администрациясынын башчысы Жаныбек Орозалиев, “Россиялык гезиттин” Борбор Азиядагы өкүлчүлүгүнүн директору Дмитрий Евлашков катышты.
Бишкекте «Ы тамгасы» арт-объектисин орнотуу идеясы «Россиялык гезитке» таандык, анын өкүлчүлүгү Кыргызстанда 2002-жылдын май айынан бери иштеп келет. Бишкек шаарынын мэриясы долбоорду колдоду. Монумент Екатеринбург шаарында «Дубровин» куюу үйүндө даярдалган. Арт-объекттин скульптору республикадагы белгилүү сүрөтчү Адил Сейталиев.
Бул арт-объектисинин тегерегинде бир катар талкуулар жаралды. Айрым соцтармак колдонуучулары эстелик «Ы» тамгасына окшошпой калганын айтышса, айрымдар өзгөчө болгонун жазышууда.