Бишкек.31.05.2019.Govori.TV.
Ырчы Дайыр Исмадияровдун унаасын уурдап, жол кырсыгына кабылган жаран кармалды. Бул тууралуу Свердлов РИИБинин басма сөз кызматы кабарлады.
«Ыкчам тергөө иштеринин жыйынтыгында унаа урдоого шектелип Талас облусунун 1997-жылы туулган Р.А. аттуу тургуну кармалды. Учурда кошумча тергөө амалдары жүрүп жатат», — дейт маалымат кызматы.
Белгилей кетсек, окуя 29-апрелде таңкы саат 4:00дө Бишкектеги «Империя-Пиццы» жайында болгон. Анда белгисиз адамдар ырчынын күрмөсүн уурдап, күрмөнүн чөнтөгүндө акча жана автоунаанын ачкычын алып, кийинчерээк «Тойота Камри» үлгүсүндөгү унаасын айдап кетишкен. Көп өтпөй уурдаган адам жол кырсыгына кабылган.
