1-ноябрда Ысык-Ата районундагы Дмитриевка айылында 4-класстын окуучусу асынып каза болду. Бул тууралуу аймактык кабарчыга айыл тургундары билдиришти.
Алардын айтымында, баланын сарайда асынып турган денесин кечки саат 20:30 чамасында көрүшкөн. Үйдөгү туугандар аны эшикте ойноп жүрөт деп ойлошкон.
«Баланын ата-энеси ажырашып кетиптир. Апасы Кыргызстанда эле дешти. Атасы чет өлкөгө кеткен экен. Маркумдун башка бир туугандары жок. Бул бала 3-класска чейин Москва районунун Беловодск айылындагы мектепте окуп, андан кийин бизге келген. Ысык-Атада туугандарында жашачу. Сөөгүн Беловодск айылындагы туугандарына алып кетишти», — деди алар.
Булак: АКИпресс
