Бишкек.24.06.2019.Govori.TV.
Ысык-Көл районунда жол-транспорт кырсыгынан жигит менен кыз каза болду, деп билдирди аймактык кабарчы.
Алдын ала маалыматтарга караганда, 22-июнда болжол менен 19:00 чамасында «Мерседес-Бенц» үлгүсүндөгү автоунаанын айдоочусу катуу ылдамдыкта кетип бара жатып, рулду башкара албай калган. Анын кесепетинен Кара-Ой айылынын кире беришиндеги бакты сүзгөн.
Аталган унаанын ичинде 4 адам болгон — эки жигит жана эки кыз. Алар Өрнөк айылынан келе жатышкан. Унааны Бишкек шаарынын 1995-жылы туулган тургуну М.Т. башкарып келе жаткан. Жүргүнчүлөр — 1998-жылы туулган эки кыз дагы Бишкектин тургундары болушкан. Ал эми 1995-жылы туулган жигит Өрнөк айылынын тургуну болгон. Жабырлануучулар ооруканага жеткирилген. Алардын арасындагы бир кыз ооруканада каза болгон.
Ал эми айдоочу 23-июнда эртең менен каза болду.
Учурда жол кырсыгы иликтенип жатат.
Булак: turmush.kg.
