Бишкек.14.08.2019.Govori.TV.
Ысык-Көлдө эл аралык мода фестивалы уюштурулат. Бул тууралуу Маданият, маалымат жана туризм министрлигинен кабарлашты.
Маалыматка ылайык, “Ысык-Көл 2019″ аталышындагы иш-чара 20-21-август күндөрү Бостери айылындагы Dordoi Nomad амфитеатрында өтүп, ага Казакстан, Өзбекстан, Тажикстан, Түркмөнстан Россия, Кытай, Азербайжан, Кипр, Буратия, Монголия, Якутия, Калмыкия, Корея, Индия, Иран, жана Кыргызстандан дизайнерлер чогулат.
Андан тышкары, фестивалда ар кыл улуттун кийим-кечеси көрсөтүлүп, иш-чара ыр-күү менен жыйынтыкталат.
